తిరుమల : శ్రీవారి భక్తులకు టీటీడీ అప్డేట్ ఇచ్చింది. ఈనెల 24 నుంచి తిరుమల శ్రీవారి బ్ర హె్మూత్సవాలు ప్రారంభం కానున్నాయి. అక్టోబర్ 2వ తేదీ వరకు వైభవంగా ఈ డత్సవాలు కొనసాగుతాయని పేర్కొంది.
శ్రీవారి సాలకట్ల బ్రహ్మోత్సవాలు - 2025
తిరుమల శ్రీవారి బ్రహ్మోత్సవాలు (TTD)
కడలి న్యూస్:–తిరుమల శ్రీవారి ఆలయంలో సెప్టెంబర్ 24 నుంచి సాలకట్ల బ్రహ్మోత్సవాలు ప్రారంభం కానున్నాయి. అక్టోబర్ 2వ తేదీ వరకు ఈ ఉత్సవాలు వైభవంగా నిర్వహించనున్నారు. ఈ మేరకు తిరుమల తిరుపతి దేవస్థానం ప్రకటన విడుదల చేసింది. సెప్టెంబర్ 23వ తేదీ సాయంత్రం అంకురార్పణతో ఈ ఉత్సవాలు ప్రారంభమవుతాయని పేర్కొంది.
16న కోయిల్ ఆళ్వార్ తిరుమంజనం...
శ్రీవారి బ్రహ్మోత్సవాలను పురస్కరించుకుని సెప్టెంబర్ 16వ తేదిన శ్రీవారి ఆలయంలో కోయిల్ ఆళ్వార్ తిరుమంజనం నిర్వహించనున్నారు. బ్రహ్మోత్సవాల్లో ప్రతి రోజు ఉదయం 8 నుండి 10 గంటల వరకు మరియు సాయంత్రం 7 గంటల నుండి 9 గంటల వాహన సేవలు ఉంటాయి.
వాహన సేవల వివరాలు :
24/09/2025 : సాయంత్రం 05:43 నుండి 6.15 గంటల మధ్య మీన లగ్నంలో ధ్వజారోహణం, రాత్రి 9 గంటలకు పెద్ద శేష వాహనం.
25/09/2025 : ఉదయం 8 గంటలకు చిన్న శేష వాహన సేవ ఉంటుంది. మధ్యాహ్నం 1 నుండి 3 గంటల వరకు స్నపనం, రాత్రి 7 గంటలకు హంస వాహనం నిర్వహిస్తారు.
26/09/2025 : ఉదయం 8 గంటలకు సింహ వాహనం, మధ్యాహ్నం 1 గంటకు స్నపనం ఉంటుంది. రాత్రి 7 గంటలకు ముత్యపు పందిరి వాహన సేవ ఉంటుంది.
27/09/2025 : ఉదయం 8 గంటలకు కల్పవృక్షం వాహనం ఉంటుంది. మధ్యాహ్నం 1 గంటకు స్నపనం, రాత్రి 7 గంటలకు సర్వ భూపాల వాహనంపై స్వామివారు విహరిస్తారు.
28/09/2025 ఉదయం 8 గంటలకు మోహినీ అవతారం, సాయంత్రం 6:30 నుండి రాత్రి గరుడ వాహన సేవ నిర్వహిస్తారు.
29/09/2025 : ఉదయం 8గంటలకు హనుమంత వాహనం, సాయంత్రం 4 గంటలకు స్వర్ణ రథం ఉంటుంది. రాత్రి 7 గంటలకు గజ వాహనంపై స్వామివారు విహరిస్తారు.
30/09/2025 : ఉదయం 8 గంటలకు సూర్యప్రభ వాహనం, రాత్రి 7 గంటలకు చంద్రప్రభ వాహన సేవ ఉంటుంది.
01/10/2025 : ఉదయం 7 గంటలకు రథోత్సవం, రాత్రి 7 గంటలకు అశ్వ వాహన సేవ నిర్వహిస్తారు.
02/10/2025 : ఉదయం 6 నుండి 9 వరకు చక్రస్నానం, రాత్రి 8:30 నుంచి 10 గంటల వరకు ధ్వజావరోహణం ఉంటుందని టీటీడీ వెల్లడించింది.
.jpeg)
